प्रहरी हिरासतमा ज्यान गुमाएका राम मनोहरको छानविन संसदीय समितिले गर्ने 

काठमाडौं- राष्ट्रिय जनता पार्टी नेपालका सांसदहरुले गुलरियामा स्वाथ्य मन्त्री उपेन्द्र यादवको कार्यक्रममा कालो झण्डा देखाउँदा प्रहरी हिरासतमा निधन भएका राममनोहर यादवको न्यायिक छानबिन गर्न माग गरेका छन्।

७ साउनमा प्रहरीले हिरासतमा लिएका यादवको १६ साउनमा निधन भएको थियो। उनको निधनको कारण कुटपीटबाट नभएको र रोगको कारणले निधन भएको मेडिकल रिपोर्टले देखाएको गृहमन्त्री थापाले बताएका थिए। तर गृहमन्त्रीको जवाफ चित्तबुझ्दो नभएको भन्दै राजापाका सांसदहरुले उठेर सदनको कारबाही अबरुद्ध गरेपछि सभामुख कृष्णबहादुर महराले सबै दलसँगको सहमतिमाम संसदीय समिति गठन गर्ने जनाएका थिए। 

संसदीय छानबिन समिति गठन गर्न सभामुख सकारात्मक भएपछि सदनको काबारही नियमित भएको थियो। गृह मन्त्री थापाले भने कालोझण्डा  देखाउने यादवले ७ साउनमा जिल्ला समन्वय समितिको सभाहलमा आयोजित कार्यक्रममा घृणादेश फैल्याउने गरी क्रियाकलापमा लागेको आरोप लगाए।
 
उनले नियन्त्रणमा लिइएका यादव सिके राउतको कार्यकर्ता समेत भउकोले प्रहरीले नियन्त्रणमा लिएको बताए। उनले यादव ७ साउनमा हिरासतमै विरामी भएपछि पहिले बर्दिया अस्पताल, पछि उपचार हुन नसकी भेरी अञ्चल अस्पताल र १५ साउनमा उनका नातेदार दीपक पासीसमेतले काठमाडौ ल्याएकोमा १६ साउनमा निधन भएको जनाए।

राजपा सांसद कर्णले सिके राउतको मान्छे भयो भन्दैमा हिरासतमा मार्न मिल्छ? हिरासतमा मान्छे मार्न पाउने कानुन कहाँ छ? भनी प्रश्न गरेका थिए। 
यसअघि सांसदहरु बालकृष्ण खाँड, डा अमरेसकुमार सिंह, भरतकुमार साह, राजकिशोर यादव लगायतले यादव घटनाको छानबिन गर्न माग गरे।