देशका छुट्टाछुट्टै स्थानबाट चार जनाको शव फेला

काठमाडौं- देशका विभिन्न स्थानबाट चार जनाको शव फेला परेको छ।

पर्वतको पैयु गाउँपालिका-६ सरौखोला बस्ने ६४ वर्षीय कमानसिंह थापा सोही ठाउँस्थित खरबारीमा बिहीबार मृत अवस्थामा फेला परेका छन्। उक्त खरबारीमा गोरु चराउन गएकोमा साँझसम्म घरमा नआएपछि खोजी गर्ने क्रममा उनको शव फेला परेको हो।

यस्तै इलाम फाकफोकथुम गाउँपालिका-२ धार्नेखोप बस्ने ६१ वर्षीय दिलबहादुर तामाङ आफ्नै घरबाट करिब १ सय ५० मिटर टाढा बिहीबार मृत अवस्थामा फेला परेका छन्। गाई बस्तुलाई घाँस काट्न जान्छु भनि बुधबार दिउँसो घरबाट हिँडेका उनी घर नआएपछि खोजी  गर्ने क्रममा उनको शव फेला परेको हो। 

खोटाङ, बराहपोखरी गाउँपालिका-५ पौवसेरा मलखु बस्ने ६० वर्षीय राज कुमार राई आफ्नै घरबाट करिब २ सय मिटर टाढा खरबारीमा बिहीबार मृत अवस्थामा फेला परेका छन्। घास काट्न भनि घरबाट हिँडेका उनी घर नआएपछि खोजी गर्ने क्रममा खरबारीको भिरबाट लडेर मृत्यु भएको अवस्थामा उनको शव फेला परेको हो। 

सिन्धुली, फिक्कल गाउँपालिका-६ कल्लेरी दोभानस्थित सुनकोशी नदीको किनारमा ओखलढुगा सिसंकुगढि गाउँपालिका-४ बस्न २७ वर्षीया कमाला भण्डारी बिहीबार मृत अवस्थामा फेला परेकी छन्। सबै घटनाका विषयमा प्रहरीले अनुसन्धान गरिरहेको जनाएको छ।