पर्यटन मन्त्री जीवनराम श्रेष्ठले गरे मरणोपरान्त अंगदानको घोषणा

काठमाडौं- संस्कृति, पर्यटन तथा नागरिक उडड्यनमन्त्री जीवनराम श्रेष्ठले आफ्नो शरीरका विभिन्न अंग मृत्यु पश्चात् दान गर्ने घोषणा गरेका छन्। श्रेष्ठले मृत्यु पश्चात् मिर्गौला, मुटु, फोक्सो, कलेजो, प्याङक्रियाज, सानो आन्द्रा दान दिने मन्जुरीनामा पत्रमा हस्ताक्षर गरेका हुन्। 

‘मेरो मृत्यु पश्चात् मेरो शरीरबाट मृगौला, मुटु, फोक्सो, कलेजो, प्याङक्रियाज, सानो आन्द्रा झिकी मृगौला, मुटु, फोक्सो, कलेजो, प्याक्रियाज, सानो आन्द्रा आवश्यक भएको जुनसुकै बिरामी व्यक्तिको शरीरमा प्रत्यारोपण गर्न मेरो मन्जुरी भएकोले मानव शरीरको अंग प्रत्यारोपण ‘नियमित तथा निषेध’ ऐन २०५५ को दफा १६ को उपदफा (१) को खण्ड (ख) बमोजिम जानी बुझी स्वेच्छाले यो मञ्जुरीनामा लेखि दिएको छु,’ मन्जुरीनामामा भनिएको छ।

आफूले दान गरेका अंगबाट कुनै बिरामीले पुनर्जीवन पाउने भएकोले  अंगदानको घोषणा गरेको उनको भनाइ छ।