मैत्रीपूर्ण खेलमा आज अर्जेन्टिना र यूएई खेल्दै

काठमाडौं- कतारमा केहि दिनपछि सुरु हुन लागेको विश्वकपको तयारीका लागि आज अर्जेन्टिना र युइएइले अन्तराष्ट्रिय मैत्रीपुर्ण खेल खेल्दैछन्।

खेल यूएईको मोहमद बीन जाहेद रंगशालामा राती ९:१५ बजेबाट सुरु हुनेछ। यसअघि नै यूएईको अबुदाबी स्पोर्टस काउन्सिलले विश्वकपका लागी अर्जेन्टिनाको टिमसंग पार्टनरसिप गरेको छ। 

अबुदाबी स्पोर्टस काउन्सिलले विश्वकपमा अर्जेन्टिनाको सम्पुर्ण ट्रेनिङ क्याम्प र कार्यक्रमहरु आयोजना गर्नेछ। क्लबका खेलहरु विश्वकपका लागी बिदा भइसकेपश्चात अर्जेन्टिनाका सबै खेलाडीहरु कतार पुगिसकेका छन्। 

र यो मैत्रीपुर्ण खेलका लागी अर्जेन्टिनाको टोलि आज बेलुकी यूएई प्रस्थान गर्नेछ। लियोनल स्केलोनीको नेतृत्वमा रहेको अर्जेन्टिनाका कप्तान लियोनेल मेस्सीलाइ आजको खेलमा खेलाउने सम्भावना रहेको बीबीसीले बताएको छ।