ललित र कुशलले लिए युएईको पहिलो विकेट, नेपाललाई १९२ रनको लक्ष्य

काठमाडौं– यूएईसँगको दोस्रो एकदिवसीय खेलमा नेपालले १९२ रनको लक्ष्य पाएको छ। कीर्तिपुरस्थित त्रिवि क्रिकेट मैदानमा टस जितेर पहिले ब्याटिङ रोजेको यूएईले ४३ ओभर दुई बलमा सबै विकेट गुमाएर १९१ रन बनाएपछि नेपालले प्रतिस्पर्धात्मक लक्ष्य पाएको हो।

एकदिवसीय अन्तर्राष्ट्रिय खेलमा नेपालका ललित राजवंशी र कुशल भुर्तेलले आफ्नो पहिलो विकट समेत लिएका छन्। ओपनरका रुपमा आएका मुहमद वासिमलाई ५० रन बनाएको अवस्थामा आउट गराउँदै ललितले पहिलो विकेट लिएका हुन्।

उनले वासिमलाई आरिफ शेखको हातबाट क्याचआउट गराएका थिए। त्यस्तै, कुकल भुर्तेलले चाहिँ २२ रन बनाएका सिपी रिजवालाई रोहित पौडेलको हातबाट क्याचआउट गराएका थिए।

युएईका लागि भृतिय अरविन्दले २५, एलिसन शरफूले ३५ र बसिल अहमदले २४ रन बनाएका थिए। बाँकी खेलाडीले जोर अंकमा रन बनाउन सकेन्। आजको खेलमा ललितले तीन विकेट गिराए। उनले आयान अफजललाई दुई रनमा र जुहुर खानलाई शून्य रनमा आउट गराएका थिए।

सात ओभर दुई बल बलिङ गरेका सोमपाल कामीले चाहिँ तीन विकेट लिए। उनले बसिल, रोहन मुस्तफा(४ रन) र सबिर अली(७)लाई आउट गराए।

नेपालका लागि करण केसी, दिपेन्द्र सिंह ऐरी र गुल्सन झाले पनि समान १–१ विकेट लिए।