यूएईले नेपाललाई दियो २६४ रनको लक्ष्य

काठमाडौं– त्रिविको अन्तर्राष्ट्रिय मैदानमा जारी नेपाल-यूएई एकदिवसीय क्रिकेट सिरिजको पहिलो खेलमा नेपालले २६४ रनको लक्ष्य पाएको छ। टस हारेर पहिले ब्याटिङ गरेको यूएईले पूरा ५० ओभरमा सात विकेट गुमाएर २६३ रन बनाएको हो। यससँगै नेपालले प्रतिस्पर्धातम लक्ष्य पाएको हो।

यूएईका लागि ओपनिङमा मुहम्मद वासिम र भृतिय अरविन्दले ७५ रनको साझेदारी गरेका थिए। गुल्सनको बलबाट आउट हुनुअघि वासिमले ४१ बलमा ४४ रन बनाएका थिए।

दिपेन्द्र सिंह ऐरीको एलबीडब्लू धरापमा परेका अरविन्दले छ चौकासहित ४० रन बनाएका थिए।

७३ बलमा ५३ रनको अर्धसतकिय पारी खेलका रोहन मुस्तफालाई चाहिँ सोमपाल कामीले  आरिफ शेखको हातबाट क्याटआउट गराएका थिए। मुस्तफा आउट हुँदा ३८ ओभरमा १८२ रन बनाएर सहज अवस्थामा पुगिसकेको थियो।

खेलमा अलिसन सशफू २९ रन बनाएर रनआउट भएका थिए भने आर्यन अफजल खानले २६ रन बनाएर पेबेलियन फकिर्एका थिए।

नेपालका लागि गुलसनले दुई विकेट लिँदा सोमपाल र दिपेन्द्रलले समान १–१ विकेट लिएका छन्। यससँगै नेपालका लागि करण केसी, ललित राजवंशी, हरिशंकर शाह र कुशल भुतेलले पनि बलिङ गरेका थिए।