सिरहामा लागूऔषधसहित दुई जना पक्राउ

प्रतिबन्धित लागूऔषध ब्राउन सुगरसहित प्रहरीले आइतबार सिरहाको तेत्तिस बिघाबाट दुई जनालाई पक्राउ गरेको छ।

नेपाल समय | सोमबार, कात्तिक २८, २०७९

नेपाल समय

सोमबार, कात्तिक २८, २०७९

सिरहा- प्रतिबन्धित लागूऔषध ब्राउन सुगरसहित प्रहरीले आइतबार सिरहाको तेत्तिस बिघाबाट दुई जनालाई पक्राउ गरेको छ।

जिल्ला प्रहरी कार्यालय सिरहाका अनुसार धनगढीमाई नगरपालिका-५ स्थित तेत्तिस बिघामा जाँचका क्रममा १० ग्राम ९ सय २० मिलीग्राम अवैध लागू पदार्थ ब्राउन सुगरसहित धनगढीमाई नगरपालिका–१३ का २२ वर्षीय बलराम यादव र १८ वर्षीय हरि नारायण यादवलाई पक्राउ गरेको हो।

उनीहरूले प्रयोग गरेको स. ८ प २२९९ नम्बरको मोटरसाइकलसहित २९ हजार नगद बरामद गरिएको प्रहरीले जनाएको छ। पक्राउ परेका दुवै जनालाई जिल्ला अदालत सिरहामा आइतबार लागूऔषध कारोबार मुद्दामा म्याद थप गरी अनुसन्धान भइरहेको प्रहरीले जनाएको छ।

प्रकाशित: Nov 14, 2022| 07:33 सोमबार, कात्तिक २८, २०७९