दार्चुला- दार्चुलामा सत्ता गठबन्धन र नेकपा एमालेका कार्यकर्ताबीच झडप भएको छ। दार्चुलाको नौगाड गाउँपालिकामा आइतबार दिउँसो झडप भएको हो। झडपमा परी गठबन्धनका जयभान सिंह धामी सख्त घाइते भएको दार्चुला प्रहरीले बताएको छ।
आइतबार नौगाड गाउँपालिकामा धामीमाथि एमालेका कार्यकर्ताबाट सामूहिक आक्रमण भएको बताइएको छ। सामूहिक आक्रमणमा परेका धामीको अझै होस नआएको प्रहरीले बताएको छ।
जिल्लामा उपचार हुन नसकेपछि धामीलाई धनगढी रिफर गरिएको प्रहरीले जनाएको छ। आक्रमणमा परेका धामी नेकपा (माओवादी केन्द्र) दार्चुला-काठमाडौं सम्पर्क समन्वय समितिका अध्यक्ष हुन्।