सर्पले डसेर ज्यान गयो 

धनगढी- कैलालीको गौरीगंगा नगरपालिकामा बाख्रा व्यवसाय गरिरहेका एक जनाको सर्पले डसेर ज्यान गएको छ। 

बाख्राको खोर भित्रै सुतिरहेका बेला बुधबार राति सर्पको टोकाइबाट  गौरीगंगा नगरपालिका वडा नम्बर ६ बस्ने ५५ वर्षीय झंकर साउँदको मृत्यु भएको हो।

  घरभन्दा करीब दुई किलोमीटर टाढा रहेको बाख्रा फर्ममा सुतिरहेको बेला राति ११ बजेको समयमा सर्पले टोकेका साउँदको उपचारका लागि सेती अञ्चल अस्पताल धनगढी पुर्याउने वित्तिकै मृत्यु भएको सेती अन्चल अस्पतालका ईमरजन्सी ईन्चार्ज कृष्ण वोहराले जानकारी दिए। 

सर्पले टोकेपछि उपचारका लागि मसुरियास्थित नेपाली सेनाको उपचार केन्द्रमा लिइएपनि त्यहाँ उपचार असम्भव भएपछी बिहिवार बिहान सेती अञ्चल अस्पताल ल्याइएको थियो। साउँदको सर्पले हातको दाँयाँ औंलामा डसेको थियो।