आर्सनललाई पाँच अंकको अग्रता, लिभरपुलको पनि जित

काठमाडौं- प्रिमियर लिगमा लिभरपुल र आर्सनले जित निकालेका छन्। प्रिमियर लिगको शनिबार रातिको खेलमा लिभरपुलले साउथह्याम्टनमाथि ३-१ को जित निकालेको हो।

लिभरपुलका लागि रोबर्टो फर्मिनोले पहिलो गाल गरे भने पहिलो हाफमै डार्विन नुनेजे दुई गोल गरे। यता साउथह्याम्टनका चे आडम्सले गोल गरे पनि लिभरपुललाई दबाबमा राख्न सकेन।

पहिलो हाफमै चार गोल भएका थिए। दोस्रो हाफमा गोल नभपछि सोही गोलअन्तरमा लिभरपुलले जित निकालेको हो।

त्यस्तै, अर्को खेलमा लिगलिडर आर्सनले शीर्षस्थानमा पाँच अंकका अग्रता बनाएको छ। उसलाई पछ्याइरहेको म्यानचेस्टर सिटीले गएराति हार बेहोरेपछि सिटीले आर्सनलले पाँच अंकको अग्रता बनाएको हो।

गएराति उल्भ्सको मैदानमा आर्सनललाई जित दिलाउनका लागि मार्टिन ओडेगार्डले दुवै गोल गरेका थिए। पहिलो हाफ गोलरहित बराबरी भए पनि उनले दोस्रो हाफमा दुई गोल गरेर आर्सनललाई जित दिलाएका हुन्।

यो जितसँगै आर्सनलले ३७ अंक बनाएको छ भने सिटीको ३२ अंक छ। लिभरपुल चाहिँ २२ अंक बनाएर छैटौं स्थानमा रहँदै चौथो स्थानका लागि संघर्ष गरिरहेको छ। प्रिमियर लिगअन्तर्गत गएरातिकै खेलमा म्यानचेस्टर सिटी र चेल्सीले शनिबार राति हार बेहोरेका थिए।