आज देशका उच्च पहाडी र हिमाली भेगमा हिमपातको सम्भावना

अहिले मुलुकको पश्चिमी भूभागमा पश्चिमी वायुको प्रभाव रहेको छ।

नेपाल समय | बिहीबार, कात्तिक २४, २०७९

नेपाल समय

बिहीबार, कात्तिक २४, २०७९

आज देशका उच्च पहाडी र हिमाली भेगमा हिमपातको सम्भावना

काठमाडौं- अहिले मुलुकको पश्चिमी भूभागमा पश्चिमी वायुको प्रभाव रहेको छ।

आज बिहीबार सुदूरपश्चिम र कर्णालीका पहाडी भूभागका थोरै स्थानमा हल्कादेखि मध्यम वर्षा हुने मौसम पूर्वानुमान महाशाखाले जनाएकाे छ।

महाशाखाका अनुसार आज बाँकी प्रदेशका पहाडी भूभागका एक-दुई स्थानमा हल्का वर्षाको सम्भावना छ। हिमाली भूभागका थोरै स्थानमा हल्कादेखि मध्यम हिमपातको पनि सम्भावना रहेको महाशाखाले जनाएको छ।

राति हिमाली भूभागका थोरै स्थानमा हल्का हिमपातको सम्भावना रहेको छ।

शुक्रबार पहाडी भूभागका थोरै स्थानमा हल्का वर्षा र हिमाली भूभागका थोरै स्थानमा हिमपात हुने अनुमान गरिएको छ।

महाशाखाले पर्वतारोहण र पदयात्रा गर्दा विषेश सावधानी अपनाउन भनेको छ। तापक्रममा कमी आउने सम्भावना भएकोले चिसोबाट बच्न पनि भनिएको छ।

प्रकाशित: Nov 10, 2022| 08:10 बिहीबार, कात्तिक २४, २०७९