विश्वकप फाइनल पुग्न पाकिस्तानलाई १५३ रनको लक्ष्य

काठमाडौं- अष्ट्रेलियामा भइरहेको आईसीसी टी- २० विश्वकपअन्तर्गत अहिले पाकिस्तान र न्युजिल्यान्डको खेल चलिरहेको छ। पहिलो सेमिफाइनल खेलमा टस जितेर पहिले ब्याटिङ गरेको न्युजिल्यान्डले १५३ रनको लक्ष्य प्रस्तुत गरेको छ।

अब प्रतियोगिताको फाइनल पुग्नका लागि पाकिस्तानले १५३ रन बनाउनु पर्नेछ। न्युजिल्यान्डले पुरा ओभर खेल्दै चार विकेट गुमाएर १५२ रन बनाएको हो।

पहिलो चार रनमै विकेट गुमाएको न्युजिल्यान्डले ३८ रनमा मात्र दोस्रो विकेट गुमाएको थियो। तेस्रो विकेटका लागि पाकिस्तानले आठौं ओभरसम्म पर्खिनु परेको थियो। यद्यपी केन विलियम्सनले  ४२ बल खेलेर ४६ रन बनाउँदै न्युजिल्यान्डको मध्यक्रम जोगाएका थिए।

उनलाई लामो समय क्रिजमा साथ दिए। डेरिल मिचेलले पनि ३५ बलमा ५३ रनको अर्धसतकिय पारी खेले। पहिलो ओभरमै विकेट लिएका शहिन शाह अफ्रिदीले  विलियम्सनलाई १७औं ओभरमा आउट गराएका थिए। मोहम्मद नवाजले एक विकेट लिँदा डेभोन कोन्वे रनआउट भए। आजको विजेता टिमले अब इंग्ल्यान्ड र भारतको विजेता टिमविरुद्ध फाइनलमा खेल्नेछ।