म्यादी प्रहरी खटनपटन : काठमाडौंमा सबैभन्दा बढी ३ हजार २७९ र मनाङमा सबैभन्दा थोरै २२८

काठमाडौं– सरकारले प्रतिनिधिसभा र प्रदेशसभा सदस्य निर्वाचन सुरक्षाका लागि देशभर म्यादी प्रहरी परिचालन गरेको छ। म्यादी प्रहरीले ३० असोजदेखि नियुक्तिपत्र लिएका हुन्। सुरक्षासम्बन्धी एक साताको तालिम पूरा गरेका म्यादी प्रहरी ४० कार्यदिन निर्वाचन सुरक्षामा खटिनेछन्।

देशभर १ लाख १५ हजार म्यादी प्रहरीलाई तालिम दिएर निर्वाचन सुरक्षामा परिचालन गरिएको केन्दीय प्रहरी प्रवक्ता (डीआईजी) टेकप्रसाद राईले बताए। मंसिर ४ मा निर्वाचन सम्पन्न भएपछि म्यादीलाई थप ४ दिन परिचालन गरिनेछ। 

मनाङमा सबैभन्दा धेरै २२८ जना म्यादी प्रहरी परिचालन गरिएको छ। मुस्ताङमा २८५ म्यादीलाई निर्वाचनमा खटाइनेछ। काठमाडौंमा ३ हजार २७९ जना म्यादी परिचालन गरिएको छ। काभ्रेमा १ हजार ८८७ म्यादी परिचालन गरिएको प्रहरी प्रधान कार्यालयले जनाएको छ। 

निर्वाचन केन्द्र र मतदान स्थलको संवेदनशीलताका आधारमा जिल्लागत रूपमा म्यादी प्रहरीको संख्या निर्धारण गरिएको हो।