दार्चुला- अवैध लागूऔषध चरेस जस्तो देखिने वस्तुसहित दार्चुलाको मार्माबाट प्रहरीले दुई जनालाई पक्राउ गरेको छ।
जिल्ला प्रहरी कार्यालय दार्चुलाका अनुसार पक्राउ पर्नेमा बैतडी डिलाशैनी गाउँपालिका-२ गन्ना घर भएका मदन घरेडी र अपि हिमाल गाउँपालिका-५ घर भएका ४४ वर्षीय दानसिंह धामी छन्।
सुराकको आधारमा इलाका प्रहरी कार्यालय लटिनानाथबाट खटिएको प्रहरीले से.१ ज ६१८ नम्बरको जिपलाई जाँच गर्दा सोही जिपका चालक मदनको साथबाट उक्त पदार्थ फेला परेको थियो। अनुसन्धान गर्दै जाँदा दानसिंह पछि पक्राउ परेका हुन्।