एपीएफ २१९ मा अलआउट, आर्मीलाई २२० को लक्ष्य

काठमाडौं- प्रधानमन्त्री कप एकदिवसीय पुरुष राष्ट्रिय क्रिकेट प्रतयोगिताअन्तर्गत त्रिवी क्रिकेट मैदानमा जारी खेलमा एपीएफ क्लब २१९ मा अलआउट भएको छ। टस हारेर पहिले ब्याटिङ गरेको एपीएफले ४७ ओभर चार बल खेल्दै सम्पूर्ण विकेट गुमाएर २१९ रन बनाएको हो।

अब जितका लागि त्रिभुवन आर्मी क्लबले २२० रन बनाउनु पर्ने भएको छ। पहिलो पारीमा ओपनर प्रदिप ऐरीले ७१ रनको अर्धसतकिय पारी खेलेका थिए। अर्का ओपनर आशिफ शेख ९ रनमै आउट भए भने लोकेश बमलाई पहिलो बलमै विक्रम शोबले पेवेलियन फर्काए।

भुवन कार्कीले २५ रन बनाउँदा प्रदिपसँग ७० रनको साझेदारी गरेका सन्दिप जोराले ५० रन जोडेका थिए। एपीएफका कप्तान शरद भेषावकरले १६ र अमर रौटेलाले १० रनको योगदान दिए।

यता आर्मीका लागि १० ओभर बल फालेका शाहब आलम र कुशल मल्लले समान २–२ विकेट लिएका थिए। विक्रक शोबले चार विकेट गिराउँदा सुशन भारी र जितेन्द्र मुखियाले पनि एक विकेट लिए।