तरुण दलका कार्यकर्ता हत्याको विरोधमा रोल्पा बन्द 

रोल्पा- आफ्ना कार्यकताको गोली हानी हत्या भएको विरोधमा नेपाल तरुण दलले रोल्पा बन्द गरेको छ । 

हत्यालाई कडा भन्दा कडा कारबाही गर्न माग गर्दै तरुण दलले रोल्पा बन्द गरेको जनाएको छ । । बन्दका कारण बजार, शिक्षण संस्था र यातायात सेवा पूर्ण रुपमा ठप्प भएको छ ।

तरुण दलका लिवाङ नगर अध्यक्ष रोहित पुनको आइतबार साझ गोली हानी हत्या भएको थियो । इलाका प्रहरी कार्यालय सुलिचौरको नजिकै रहेको रेष्टुरेन्टमा पुनको गोली हानी हत्या गर्ने केही व्यक्तिहरु फरार रहेकाले उनीहरुलाई पक्राउ गरी कडा कारबाही हुनुपर्ने माग गर्दै बन्द आह्वान गरिएको तरुण दलले जनाएको छ ।

तरुण दलले हत्यारालाई पक्राउ गरि कडा कारबाही नगरे आन्दोलन चर्काउने चेतावनी दिएको छ । हत्याको आरोपमा रोल्पा १० धवाङका देवबहादुर घर्तीलाई प्रहरीले नियन्त्रणमा लिएको छ । घटनामा विषयमा प्रहरीले थप अनुसन्धान भइरहेको प्रहरी जनाएको छ ।