आजका अखबार : मुख्यमन्त्रीहरुसँग प्रधानमन्त्री रुष्ट

काठमडौं- राजधानीबाट प्रकाशित सोमबारका राष्ट्रिय दैनिक अखबारहरुले विविध विषयका खबरलाई प्राथमिकतामा पारेका छन् ।

कसैले मुख्यमन्त्रीसंग प्रधानमन्त्री असन्तुष्ट बनेको विषयलाई मुख्य समाचार बनाएका छन् भने कसैले गोरखामा वर्षेनी हेलिकोप्टर दुर्घटना हुने गरेको विषयलाई प्राथमिकतामा पारेका छन् । 

आजको नयाँ पत्रिकाले मुख्यमन्त्रीहरुसँग प्रधानमन्त्री असन्तुष्ट शीर्षकमा मुख्य समाचार छापेको छ । ६ वटा प्रदेशमा नेकपा र प्रदेश २ मा सहयोगी दल सरकारमा रहे पनि संघसँग असमझदारी बढेको समाचारमा जनाइएको छ ।

मुख्यमन्त्रीहरुले असन्तुष्टि लिखित रुपमा तयार पारेपछि प्रधानमन्त्री केपी ओलीले अन्तरप्रदेश परिषद्को बैठक अचानक स्थगित गरेका छन् । मुख्यमन्त्रीहरुले काठमाडौंमा आएर प्रधानमन्त्रीसँग भेट्न भेट्न खोजे पनि प्रधानमन्त्रीले भेट नदिएको नयाँ पत्रिकाले लेखेको छ । 

यस्तै कान्तिपुर दैनिकले मुख्यमन्त्रीसँग असन्तुष्ट बन्दै प्रधामन्त्रीले प्रदेश परिषद् बैठक अनिश्चित कालसम्मका लागि स्थगित गरेको खबरलाई विशेष महत्वका साथ छापेको छ ।  छन् । पहिलो पटक आइतबार बस्ने गरि बोलाइएको बैठक अन्श्चिित कालसम्मका लागि स्थगित गरिएको हो ।

मुख्यमन्त्री राजधानी आइसकेपछि स्थगन पत्र थमाइएको समाचारमा उल्लेख छ । यस्तै कान्तिपुरले पोखराको लेकलाइडमा हिमाल छेक्ने गरि भवनहरु बनाउन थालेको विषयलाई पनि प्राथमिकतामा पारेको छ । 

आजको नागरिक दैनिकले भने गोरखामा बर्सेनि हेलिकोप्टर दुर्घटना हुने गरेको विषलाई मुख्य समाचार बनाएको छ । याताातका अन्य साधनको सुविधा नहुदा गोरखाका विकट गाउँका स्थानीबासीहरु हेलिकोप्टर प्रयोग गर्न बाध्य छन् । तर बर्सेनि हेलिकोप्टर दुर्घटना हुने गरेको छ । चालकको हतार गर्ने प्रवृति, बढि कमाउने प्रतिस्पर्धा, पहाडी दुर्गम क्षेत्र र मौसमप्रतिको हेलचेक्र्याइँ नै दुर्घटनाको मुख्य कारक भएको नागरिकले लेखेको छ । 

यस्तै आजको अन्नपूर्ण पोस्ट्ले प्रदेश २ का मुख्यमन्त्री मन्त्रीले अभिभावकत्व लिएका बालबालिका स्कूल जान नसकेको विषयलाई मुख्य समाचार बनाएको छ । पहिले काखा अहिले पाखा शीर्षकमा मुख्य समाचार छापेको अन्नपूर्णले सुरुमा तामझामका साथ विद्यालय भर्ना गर्ने र अभिभावकत्व लिने काम गरिए पनि अहिले भने मुख्यमन्त्री मन्त्रीहरुले वेवास्ता गरेको अन्नपूर्णले लेखेको छ । 

तरुण दलका लिवाङ नगर अध्यक्ष रोहित पुनको हत्या भएको विषयलाई पनि आजका पत्रपत्रिकाले महत्वका साथ पहिलो पृष्ठमा छापेका छन् । गाेली हानी हत्या गरेको आरोपमा रोल्पा १० धवाङका देवबहादुर घर्तीलाई प्रहरीले नियन्त्रणमा लिएको छ । घटनामा विषयमा प्रहरीले थप अनुसन्धान सुरु गरेको आजका पत्रपत्रिकाले लेखेको छन् ।