नवौं राष्ट्रिय खेलकुद : ५ हजार मिटर दौडमा पार्कीलाई पहिलो स्वर्ण

पोखरा रङ्गशालामा आज भएको खेलमा गोपीचन्द्रले निर्धारित दूरी १४ मिनेट २९ दशमलव ६७ सेकेन्डमा पूरा गर्दै स्वर्ण पदक जितेका हुन्।

नेपाल समय | बिहीबार, कात्तिक ३, २०७९

नेपाल समय

बिहीबार, कात्तिक ३, २०७९

पोखरा- नवौँ राष्ट्रिय खेलकुद प्रतियोगिताअन्तर्गत आज बिहान भएको एथ्लेटिक्स विधाको पाँच हजार मिटर दौडमा ससस्त्र प्रहरी बल (एपीएफ)का गोपीचन्द्र पार्कीले स्वर्ण पदक जितेका छन्।

पोखरा रङ्गशालामा आज भएको खेलमा गोपीचन्द्रले निर्धारित दूरी १४ मिनेट २९ दशमलव ६७ सेकेन्डमा पूरा गर्दै स्वर्ण पदक जितेका हुन्। नवौं राष्ट्रिय खेलमा उनको यो पहिलो स्वर्णपदक हो।

सोही स्पर्धामा कर्णाली प्रदेशका दुर्गाबहादुर बुढाले रजत पदक जिते। उनले निर्धारित दूरी १४ मिनेट २९ दशमलव ९३ सेकेन्ड समय लगाउँदै रजत पदक जितेका हुन्।

त्रिभुवन आर्मी क्लबका मुकेश पालले कास्य जिते। उनले निर्धारित दूरी १४ मिनेट ३६ दशमलव ६० सेकेन्डमा पूरा गरे।

प्रकाशित: Oct 20, 2022| 10:24 बिहीबार, कात्तिक ३, २०७९