नवौँ राष्ट्रिय खेलकुद : आर्मीको पोल्टामा २४८ पदक, कसले कति जिते?

पोखरा- गण्डकी प्रदेशमा आयोजना भइरहेको नवौँ राष्ट्रिय खेलकुद प्रतियोगितामा विभागीय टिम नेपाल आर्मी क्लबले फराकिलो अग्रता बनाएको छ। 

हालसम्म ९१६ पदकको छिनोफानो हुँदा आर्मीले ११४ स्वर्ण, ७६ रजत र ५८ काँस्यपदकसहित २४८ पदक हात पारिसकेको छ। 

दोस्रो स्थानमा विभागीय टिम नेपाल पुलिसले ४५ स्वर्ण, ४१ रजत र ४९ कांस्यपदकसहित एक सय ३५ पदक जितेको छ ।

अर्को विभागीय टिम एपीएफले ३७ स्वर्ण, ४३ रजत र ६६ कांस्यपदकसहित कूल एक सय ४६ पदक हात परेको छ। 

यसैगरी गण्डकी प्रदेशले २४ स्वर्ण, २३ रजत र ३९ काँस्य पदकसहित ८६ पदक जित्दा बागमती प्रदेशले १९ स्वर्ण, ३३ रजत र ४३ काँस्यसहित कूल ९५ पदक आफ्नो पोल्टामा पारेको छ। 

यता एनआरएनएले १० स्वर्ण, ७ रजत र ६ काँस्यसहित २३ पदक, सुदूरपश्चिम प्रदेशले ८ स्वर्ण, ४ रजत, २४ कांस्यसहित ३६ पदक, प्रदेश १ ले ५ स्वर्ण, २० रजत र ३४ काँस्यसहित ५९ पदक, मधेस प्रदेशले ५ स्वर्ण, ७ रजत र २० काँस्य पदकसहित ३२ पदक जितेका छन्।

लुम्बिनीले ३ स्वर्ण, १५ रजत र २६ काँस्यसहित ४४ र कर्णाली प्रदेशले १ स्वर्ण, २ रजत र ९ काँस्य पदकसहित १२ पदक हात पारेको आयोजक राष्ट्रिय खेलकुद परिषद्ले जनाएको छ। प्रतियोगिताअन्तर्गतका खेल जारी छन्।