४ सय मिटर रिलेमा आर्मी र एपीएफलाई स्वर्ण

पोखरा- महिला ४०० मिटर रिले दौडमा आर्मीले स्वर्ण पदक जितको छ। आर्मीले गण्डकी प्रदेशलाई पछि पार्दै स्वर्ण पदक जित्यो। आर्मीका लागि रमिता गुरुङ सरस्वती चौधरी, जयरानी  थारु र निर्मला थापाले ४९.६० सेकेण्डमा दूरी पार गरे।

गण्डकीका लागि मसिना अधिकारी, अनिसा भण्डारी, सविना खातुन मिया र निशा घर्तीले ५२.७५ सेकेण्डमा दुरी पुरा गर्दै रजत पदक जित्यो। बागमतीका लागि रजीता दुलाल, स्वगता खाइजु, प्रकृती सुवाल र लुजना आमात्यले ५२.७६ ले दुरी पुरा गर्दै कास्य पदक जितेका छन्।

पुरुष ४ सय मिटर रिले दौडमा चाहीँ एपीएफले स्वर्ण पदक जितेको छ। एपीएफका निर प्रताप महतो, आशिष चौधरी, शिवरा जपार्की र चन्द्र बहादुर पुलामी मगरले ४२.४४ सेकेण्डमा पुरा गर्दै स्वर्ण पदक जितेका हुन्। त्यसै गरी आर्मीका जीवन चौधरी, विवश थारु, युवराज विक र डिल्ली भण्डारीलाई ४२.६० सेकेण्डमा दुरी पुरा गर्दै रजत पदक जितेको छ।

त्यसैगरी लुम्बिनी प्रदेशका सीमान पाण्डे, सुजल डाँगी, रोशन थारु र तुल्सीराम थारुले ४४.३८ सेकेण्डमा पूरा गर्दै कास्य पदक जितेका छन्।