नवौँ राष्ट्रिय खेलकुद : बुद्धिचालमा आर्मीकी सुजनालाई तीन स्वर्ण

नवौँ राष्ट्रिय खेलकुद प्रतियोगिताअन्तर्गत गोरखामा भएको बुद्धिचाल प्रतियोगितामा त्रिभुवन आर्मी क्बलकी सुजना लोहनीले तीन स्वर्ण जित्न सफल भएकी छन्।

नेपाल समय | बुधबार, कात्तिक २, २०७९

नेपाल समय

बुधबार, कात्तिक २, २०७९

नवौँ राष्ट्रिय खेलकुद : बुद्धिचालमा आर्मीकी सुजनालाई तीन स्वर्ण

गोरखा- नवौँ राष्ट्रिय खेलकुद प्रतियोगिताअन्तर्गत गोरखामा भएको बुद्धिचाल प्रतियोगितामा त्रिभुवन आर्मी क्बलकी सुजना लोहनीले तीन स्वर्ण जित्न सफल भएकी छन्। असोज २७ गतेदेखि भएको प्रतियोगितामा महिलातर्फको तीनवटै इभेन्टमा लोहनीले स्वर्ण पदक जित्न सफल भएकी हुन्।

प्रतियोगिताअन्तर्गत महिलातर्फको क्लासिकल इभेन्टका ९ खेलमा सबै खेल जित्दै उनले ९ अङ्क प्राप्त गर्दै प्रतियोगितामा पहिलो स्वर्ण पदक जितेकी थिइन्। महिलातर्फको बिल्च इभेन्टमा पनि लोहनीले नौ खेलमा नौवटै खेल जितेर नौ अङ्कका साथ दोस्रो स्वर्ण जित्न सफल भइन्।

त्यसैगरी आज सम्पन्न र्‍यापिड चरणका खेलमा समेत लोहनीले सबै नौ खेल जितेर नौ अङ्कका साथ प्रतियोगितामा तेस्रो स्वर्ण पदक हात पार्न सफल भएकी हुन्।

प्रकाशित: Oct 19, 2022| 17:55 बुधबार, कात्तिक २, २०७९