८ सय मिटर दौडमा स्वर्ण जितेपछि सोमले परिवारसँग साटे खुसी

पोखरा– एथलेटिक्स ८ सय मिटर दौडमा एपीएफकी फूलमति राना र आमीका सोमबहादुर कुमालले स्वर्ण जितेका छन्।

पोखरा रंगशालामा बुधबार उपाधि जितेपछि उनले आफ्ना आमाबाबुसँग जितोत्सव मनाएका छन्।

यसअघि ४ समय मिटर हर्डल्समा उपाधि जितेर कीर्तिमान बनाएका थिए। उपाधि जितेपछि उनले आफ्नो परिवार र प्रशिक्षकलाई सम्झिए। उनले आफ्नो संघर्ष र मिहिनेत पनि सम्झिएका छन्।

उनले भनेका छन्, ‘मैले आफ्नो मिहिनेत र संघर्ष सम्झिएको छु। यसको श्रेय म आफैंलाई दिन्छु। परिवार र प्रशिक्षकलाई पनि दिन चाहन्छु।’

२०७९ मा आर्मीमा भर्ना भएर २०७० बाट खेल सुरु गरेका उनी २०७५ बाट पूरा समय खेलमा लागेका हुन्। 

पोखरा रंगशालामै बुधबार भएको दौडमा महिलातर्फ एपीएफकी फूलमतिले निधारित दूरी २ मिनेट २७.३६ सेकेन्डमा पूरा गर्दै स्वर्ण जितेकी हुन् । आर्मीकी सरस्वती भट्टराईले २ मिनेट २७.५० सेकेन्डमा पूरा गर्दै रजत र आर्मीकै रेखा लिम्बूले २ मिनेट ३०.४८ सेकेन्डमा पूरा गर्दै कास्य जिते।

पुरुषतर्फ निर्धारित दुरी १ मिनेट ५४.०८ सेकेन्डमा पूरा गर्दै आर्मीका सोमले स्वर्ण जिते। पुलिसका तेजबहादुर कार्कीले रजत र आर्मीकै सुनील सुनारले काँस्य पदक जिते। निर्धारित दूरी कार्कीले १ मिनेट ५५.२१ सेकेन्ड र सुनारले १ मिनेट ५५.५२ सेकेन्ड पूरा गरे।