अहिलेसम्म आर्मीको ७९ स्वर्ण, कर्णाली एकमात्र स्वर्ण

चितवन- गण्डकी प्रदेशमा आयोजना भइरहेको नवौं राष्ट्रिय खेलकुद प्रतियोगितामा विभागीय टिम चिभुवन आर्मी क्लबले फराकिलो अग्रता बनाएको छ।  

हालसम्म ६ सय ५७ पदकको छिनोफानो हुँदा आर्मीले  ७९ स्वर्ण, ५४ रजत र ३७ कांस्य पदक सहित कुल १७० पदक हात पारिसकेको छ। दोस्रो स्थानमा विभागीय टिम नेपाल पुलिस क्लब रहेको छ। पुलिसले ३४ स्वर्ण, २६ रजत र ३७ कांस्य पदकसहित ९७ पदक जितेको छ।

अर्को विभागीय टिम एपीएफले २९ स्वर्ण, ३३ रजत र ४८ कांस्य पदकसहित कुल ११० पदक हात परेको छ।

यसैगरी बागमती प्रदेशले १५ स्वर्ण, २४ रजत र २७ कांस्य सहित कुल ६६ पदक जित्दा गण्डकी प्रदेशले १२ स्वर्ण, १२ रजत र ३० कांस्य पदकसहित ५४ पदक आफ्नो पोल्टामा पारेको छ।

यता सुदूर पश्चिम प्रदेशले ७ स्वर्ण, ४ रजत, १८ कांस्य सहित २९ पदक, एनआरएनएले ६ स्वर्ण, ७ रजत ४ कांस्य सहित १७ पदक, मधेस प्रदेशले ५ स्वर्ण, ६ रजत र १७ कांस्य पदक सहित २८ पदक, प्रदेश १ ले ३ स्वर्ण १४ रजत र ३१ कांस्य सहित ४८ पदक जितेका छन्।

त्यसैगरी,लुम्बिनी प्रदेशले २ स्वर्ण, १२ रजत र १८ कांस्य सहित ३२  र कर्णाली प्रदेशले १ स्वर्ण, १ रजत, ४ कांस्य पदक सहित ६ पदक हात पारेको आयोजक राष्ट्रिय खेलकुद परिषद्ले जनाएको छ। प्रतियोगिता अन्तरगतका खेलहरू जारी रहेका छन्।