नवौँ राष्ट्रिय खेलकुदमा कबड्डीका रेफ्रीबीच हात हालाहाल

काठमाडौं- नवौँ राष्ट्रिय खेलकुद अन्तर्गत कबड्डी प्रतियोगिता सञ्चालन गर्ने रेफ्रीहरूबीच हात हालाहाल भएको छ। मंगलबार दिउँसो प्रतियोगिता सञ्चालन भइरहेका बेला रेफ्रीहरूबीच हात हालाहाल भएको हो। 

मंगलबार बागमती प्रदेश र सुदूरपश्चिम प्रदेशबीच प्रतियोगिता भइरहेका बेला बागमतीका प्रशिक्षकसमेत रहेका रेफ्री हिमाल रञ्जित र सुदूरपश्चिमका रेफ्री विनोदकुमार झाबीच विवाद भएको थियो। यही विषयमा उनीहरू हात हालाहालमा उत्रिएका हुन्। 

आफूमाथि हातपात भएको भन्दै झाले रञ्जितमाथि कारबाहीको माग गर्दै राष्ट्रिय खेलकुद परिषदमा निवेदन दिएका छन्।