पोखरा- नवौं राष्ट्रिय खेलकुद प्रतियोगितामा विभागीय टिम नेपाली सेना (आर्मी)का खेलाडीले दबदबा कायम गरेका छन्। पोखरामा जारी प्रतियोगितामा हालसम्म ७ स्वर्ण पदकको छिनोफानो हुँदा नेपाल आर्मीले ३ स्वर्ण, २७ रजत र २१ काँस्यसहित ८६ पदक जित्दै शीर्ष स्थान कायम गरेको हो।
अर्को विभागीय टिम एपीएफले १२ स्वर्ण, १६ रजत र २२ काँस्य पदक जितेको छ। त्यसैगरी तेस्रो स्थानमा अर्को विभागीय टोली पुलिस क्लबले ११ स्वर्ण, ७ रजत र १७ कास्य पदकसहित ३५ पदक जितेको छ। चौथो स्थानमा रहेको बागमती प्रदेश १० स्वर्ण, १६ रजत र १० काँस्यसहित ३६ पदक जितेको छ।
घरेलु मैदानमा गण्डकी प्रदेशले हालसम्म ८ स्वर्ण, ५ रजत र १५ काँस्य पदक गरी २८ पदक हात पारेको छ। ४ स्वर्ण, ३ रजत र ४ काँस्यसहित ११ पदकसहित छैटौँ स्थानमा रहँदै एनआरएनएले गण्डकीलाई पछ्याइरहेको छ।
मधेश प्रदेशले २ स्वर्ण, २ रजत र ४ काँस्यसहित ८ पदक प्राप्त गरेको छ। प्रदेश १ ले १ स्वर्ण, ४ रजत र १३ कास्य सहित १८ पदक, सुदूरपश्चिमले १ स्वर्ण, १ रजत र ८ काँस्यसहित १० पदक, लुम्बिनीले ६ रजत, ४ काँस्यसहित १० पदक, कर्णाली प्रदेशले १ काँस्य पदक जितेका छन्।