रूपन्देही १ मा भुसाललाई साथ दिन ३२ जनाले छाडे एमाले

वुटवल- रूपन्देही निर्वाचन क्षेत्र नम्बर १ मा स्वतन्त्र उम्मेद्वारी दिएका घनश्याम भुसाललाई साथ दिने भन्दै दुई जना लुम्बिनी प्रदेश कमिटी सदस्य सहित ३२ जना नेता-कार्यकर्ताहरूले एमाले परित्याग गरेका छन्।

एमाले प्रदेश कमिटि सदस्य सनोज कुमार यादव, शैलेन्द्र उपाध्याय, रोहिणी गाउँ कमिटि सचिव ईन्द्रजित कुमार राय सहित ३२ जनाले विहिबार पार्टी परित्याग गरेको घोषणा गरेका हुन्।

एक विज्ञप्ति जारी गरि पार्टिमा विधि पद्वति भन्दा व्यक्तिवादी र निरकुशता हावी भएकाले सामूहिक राजिनामा दिई स्वतन्त्र रहने घोषणा गरेका छन्। उनीहरूले स्वतन्त्र रुपमा उम्मेदवारी दिएका भूसाललाई सहयोग गर्ने घोषणा गरेका छन्। 

भुसालले बुधबार मात्रै त्रिभुज चुनाव चिन्ह पाएका छन्। भुसालसंग एमाले सचिव छविलाल विश्वकर्मा राप्रपाको सहयोगमा चुनावी मैदानमा छन्। भुसाललाई सत्ता गठबन्धनले सहयोग गर्ने भएको छ।