पुरुष ह्याण्डबलः दोस्रो खेलमा बागमतीको पहिलो जित

नवौं राष्ट्रिय खेलकुद प्रतियोगिता अन्तर्गत पुरुष ह्याण्डबलमा बागमतीले पहिलो जित दर्ता गरेको छ।

नेपाल समय | मंगलबार, असोज २५, २०७९

नेपाल समय

मंगलबार, असोज २५, २०७९

पुरुष ह्याण्डबलः दोस्रो खेलमा बागमतीको पहिलो जित

काठमाडौं- नवौं राष्ट्रिय खेलकुद प्रतियोगिता अन्तर्गत पुरुष ह्याण्डबलमा बागमतीले पहिलो जित दर्ता गरेको छ। पोखरा रंगशालास्थित बहुउद्देश्यीय कभर्ड हलमा सम्पन्न खेलमा बागमतीले आफ्नो दोस्रो खेलमा पहिलो जित निकालेको हो।

बागमतीले खेलमा मधेश प्रदेशमाथि २१–१३ को जित निकालेको हो। बागमतीका लागि सोनाम राकेश शेर्पाले सर्वाधिक ५ गोल गरे।

पहिलो खेलमा विभागीय टिम त्रिभुवन आर्मीसँग ८–४३ ले हार व्यहोरेको बागमतीले यो जितसँगै महत्वपूर्ण ३ अंक जोडेको छ। लगातार दोस्रो खेल हारेको मधेश भने अंकविहीन छ। मधेशले पहिलो उद्घाटन खेलमा १३–६६ ले हार व्यहोरेको थियो।

प्रकाशित: Oct 11, 2022| 20:40 मंगलबार, असोज २५, २०७९