हुम्लामा पहिरोमा पुरिएर चार जनाको मृत्यु

हुम्लाको चंखेली गाउँपालिका–६ को देनबाडामा आइतबार दिउँसो पहिरो जाँदा चार जनाको मृत्यु भएको छ। ज्यान गुमाउनेहरू एउटै परिवारका सदस्य रहेको प्रहरीले जनाएको छ।

नेपाल समय | सोमबार, असोज २४, २०७९

नेपाल समय

सोमबार, असोज २४, २०७९

हुम्लामा पहिरोमा पुरिएर चार जनाको मृत्यु

सिमकोट– हुम्लाको चंखेली गाउँपालिका–६ को देनबाडामा आइतबार दिउँसो पहिरो जाँदा चार जनाको मृत्यु भएको छ। ज्यान गुमाउनेहरू एउटै परिवारका सदस्य रहेको प्रहरीले जनाएको छ।

पहिरोमा ज्यान गुमाउने देउच्या सार्कीका परिवारका सदस्य हुन्। पहिरोले घर पुरिँदा ४ जनाको मृत्यु र ३ जना घाइते भएको प्रमुख जिल्ला अधिकारी सीता परियारले जानकारी दिइन्।

प्रहरी चौकी मेल्छाम र सर्किगाडबाट गएको प्रहरी टोली र स्थानीयको सक्रियतामा घाइतेको उद्धार गरी स्वास्थ्यचौकीतर्फ लगिएको छ। चार जनाको शव भने पुरिएकै घरभित्र रहेको छ। वर्षा भइरहेका कारण शव निकाल्न नसकिएको प्रहरीले जनाएको छ।

प्रकाशित: Oct 10, 2022| 06:24 सोमबार, असोज २४, २०७९