जुम्लामा पहिरोमा पुरिएर एकै परिवारका ५ सहित ७ जनाको मृत्यु
जुम्ला- जुम्लाको कनकासुन्दरी गाउँपालिका–५ मा पहिरोमा पुरिएर एकै परिवारका पाँच जना सहित ७ जनाको मृत्यु भएको छ। गाउँपालिकाको बाराकोटे बाडागाउँमा पहिरो जाँदा गणेश बहादुर शाही, छोरा रमेश, रमेशकी श्रीमती पानसरा तथा उनीहरूका छोरा अनमोल र मिलनको मृत्यु भएको प्रहरीले बताएको छ।
सोही घरमा आश्रय लिनबसेका दुई जना छिमेकी शुरेन्द्र हमाल र विद्या शाहिको पनि मृत्यु भएको जिल्ला प्रहरी कार्यालय जुम्लाका सूचना अधिकारी धर्मराज जोशीले बताए। गम्भीर अवस्थामा रहेका दुई जना घाइतेलाई उद्धार गरी अस्पतालमा उपचारका लागि पठाइएको छ।
जुम्लाकै हिमा गाउँपालिका वडा नम्बर ३ कि २५ वर्षिया सत्यदेवी योगी सहित उनका ३ वर्षको छोरा विनम योगीलाई खोलाले बगाएको छ। आफ्नो घरमा पहिरो खस्ने जोखिम बढेपछि सुरक्षित स्थान तर्फ जाँदै गर्दा खोलाले बगाएर उनिहरु बेपत्ता भएका प्रहरीले जनाएको छ।
आजै सदरमुकाम खलंगामा आगलागीबाट २ वटा पसल पूर्णरूपमा क्षतिग्रस्त भएका छन् । १ सुन पसल र एक कपडा पसल पूर्णरूपमा क्षति भएको जिल्ला प्रहरी कार्यालय जुम्लाका सूचना अधिकारी धर्मराज जोशीले बताए ।
कोसी प्रदेशमा आज सार्वजनिक बिदा
प्रदेश १ को नाम कोशी राख्न एमालेद्वारा प्रस्ताव दर्ता
प्रदेश १ ले आज नाम पाउँदै, कोशी हुने सम्भावना
बागमतीबाट पनि बाहिरियो राप्रपा
म्याग्दीका असला: पारखीलाई पुर्याउनै मुस्किल
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com