अंकारा- कतारमा हुने विश्वकप फुटबलमा सुरक्षा सहयोग गर्न टर्कीले सेना पठाउने भएको छ। टर्कीको संसद्ले सोसम्बन्धी प्रस्ताव बुधबार पारित गरेको हो।
कतारमा हुन गइरहेको विश्वकप फुटबलमा सहयोगका लागि टर्कीले सेना पठाउन लागेको हो। कतारले टर्कीसँग सेनाको सहयोगका लागि अनुरोध गरेको थियो।
सो सहयोगसम्बन्धी प्रस्ताव टर्कीको संसद्मा गएको शनिबार प्रस्तुत गरिएको थियो।
उक्त प्रस्तावानुसार टर्कीले कतारमा ६ महिनासम्मका लागि सेना पठाउने भएको छ। टर्कीले कतारमा के कतिजना सेना पठाउने भन्नेबारेमा भने केही बताइएको छैन।