काठमाडौं- युरोपेली च्याम्पियन्स लिगअन्तर्गत मंगलबार रातिको खेलमा लिभरपुलले जित निकालेको छ। एनफिल्ड रंगशालामा सम्पन्न खेलमा प्रिमियर क्लब लिभपरपुलले पाहुना टिम रेन्जर्सविरुद्ध २–० को जित निकालेको हो।
लिभरपुलको जितमा ट्रेन्ट अलेक्जेन्डर अर्नोल्ड र मोहम्मद सलाहले समान १–१ गोल गरे। खेलको सातौं मिनेटमै अर्नोल्डले गोल गरेपछि लिभरपुलले अग्रता बनाएको थियो। यता ५३औं मिनेटमा पेनाल्टीमा पाएको अवसरको सदुपयोग गर्र्दै उसले अग्रता दोब्बर बनाएको हो।
गएरातिकै अर्को खेलमा भने बार्सिलोना पराजित भएको छ। इन्टर मिलानको मैदानमा भएको खेलमा बार्सिलोनाले घरेलु टिमसँग् १–० को हार बेहोरेको हो।
इन्टरलाई जित दिलाउन हकन क्याल्हनोग्लूले गोल गरेका थिए। सोमबार रातिको खेलमा बायर्नले भिक्टोरीयालाई हराएको थियो।