काठमाडौं- स्पेनिस शीर्ष डिभिजनको फुटबल ला लिगमा बार्सिलोनाले मायोर्काविरुद्ध १-० को जित निकलोको छ। मायोर्काको मैदानमा सम्पन्न भएको खेलमा बार्सिलोनाले जित निकालेको छ।
बार्सिलोनालाई जित दिलाउनका लागि रोबर्ट लेवान्डोस्कीले गोल गरेका थिए। उनले खेलको २०औं मिनेटको गोलबाट बनाएको अग्रतालाई जोगाउँदै बार्सिलोनाले जित निकालेको हो।
यो जितले बार्सिलोनालाई लिगको शीर्षस्थानमा पुर्याएको छ। उसले सात खेलबाट १९ अंक बनाउँदा दोस्रो स्थानको रियल मड्रिडको १८ अंक छ। तर रियलले छ खेलमा मात्र सहभागीता जनाएको छ। रियलले आइतबार राति ओसासुनाको सामना गर्दैछ।