काठमाडौं- इंग्लिस प्रिमियर लिगअन्तर्गत शनिबार राति सम्पन्न भएको खेलमा आर्सनलले टोटेनहम हट्स्परलाई हराएको छ।
आर्सनलको इमिरेट्स मैदानमा सम्पन्न भएको खेलमा घरेलु टिमले टोटेनहमलाई ३–१ ले हराएको हो।
खेलको २०औं मिनेटमा पार्टीले गोल गर्दै आर्सनललाई अग्रता दिलाएका थिए। त्यसको ११ मिनेटपश्चात् टोटेनहमले पेनाल्टीको अवसर पाएको थियो। पेनाल्टीको अवसरमा कप्तान ह्यारी केनले गोल गरेपछि खेल बराबरी भएको थियो।
तर दास्रो हाफमा आर्सनलले फेरि आक्रामक सुरुआत गर्यो र ४९औं मिनेटमा गोल गर्न सफल भयो। ग्याब्रियल जिससले गरेको त्यो गोलसँगै आर्सनलले २–१ को अग्रता बनाएको थियो। ६२अैं मिनेटमा अपारेसिडोले रेड कार्ड बेहोरेपछि टोटेनहम १० खेलाडीमा समेटिएको थियो।
यता मार्टिनेलीको पासमा ग्रानित जाकाले गोल गरेपछि ३–१ को अग्रताका सार्थ आर्सनलले जित निकालेको हो। यो जितपछि २१ अंक बनाएको आर्सनले शीर्षस्थानमा कायम छ।