सिन्धुपाल्चोकमा गुडिरहेको कारमा आगलागी, खोटाङमा सडकमै जल्यो बस

काठमाडौं- सिन्धुपाल्चोकमा सडकमा गुडीरहेको कारमा आगलागी भएको छ भने खोटाङमा बस जलेको छ। बडादसैं मनाउन काठमाडौंबाट जन्मथलो फर्कने क्रममा सिन्धुपाल्चोकको सुनकोसी गाउँपालिका–४ का एक परिवारको कार जलेर नष्ट भएको हो। उकालोमा जाने क्रममा कार हिट भएर जलेको बताइएको छ। 

शनिबार दिउँसो १ बजेर ४० मिनेटमा सुनकोसीको यमुनाडाँडा–४ स्थित सिमपानी भन्ने ठाउँमा उक्त गाडी जलेर नष्ट भएको हो। सिन्धुपाल्चोक जिल्ला प्रहरी कार्यालयका एसपी रामेश्वर यादवका अनुसार कारमा ४ जना सवार रहेको र कुनै मानवीय क्षति नभएको जानकारी दिए। 

उकालोमा गाडीबाट धुँवा आएपछि विक ओर्लिएर हेर्दा कारबाट आलो बलेको थियो। कार जले पुरै नष्ट भएको प्रहरीले बताएको छ।

खोटाङको हलेसी तुवाचुङ नगरपालिका-१ स्थित बाहुनीडाँडामा गुडिरहेको बसमा आगलागी भएको छ। काठमाडौंबाट खोटाङतर्फ गइरहेको यात्रुवाहक बसमा एक्कासी आगलागी भएको हो। 

बसमा आगलागी हुँदा कुनै मानवीय क्षती भने भएको छैन्। घटनास्थलमा भएका यात्रुहरुका अनुसार बससहित बसमा भएका सामानहरु जलेर नष्ट भएको छ। 

बसमा अनुमानित ५० जना यात्रु सवार थिए।

नेपालीहरुको चाड बडादसैंमा घर फर्कने यात्रुहरु बसमा आगलागी भएपछि अलपत्र परेका छन्। उनीहरुलाई अर्को गाडी ब्यवस्था गरेर गन्तव्यतर्फ पुर्याउनगरी प्रहरीसँग समन्वय भइरहेको घटनास्थलमा रहेका एक स्थानीयले जानकारी दिए।