बत्तीसपुतलीमा शेखर समूहको चियापान

काठमाडौं- नेपाली कांग्रेसको संस्थापन इतर डा. शेखर कोइराला पक्षले आज दसैं, तिहार, नेपाल संवत र छठ पर्वको उपलक्ष्यमा शुभकामना आदानप्रदान तथा चियापान कार्यक्रम आयोजना गरेको छ। 

बत्तीसपुतलीस्थित अनुपम फुडल्यान्डमा बिहान ८ बजेबाट चियापान कार्यक्रमको आयोजना गरिएको हो। ‘पार्टीको आन्तरिक एकता, समान अवसर र न्यायका निम्ति’ कार्यक्रम आयोजना गरिएको आयोजक नेपाली कांग्रेस खबरदारी अभियानले जनाएको छ। 

कार्यक्रममा डा. शेखर कोइरालासहित उक्त समूहमा रहेका पदाधिकारी तथा पूर्वपदाधिकारी सहभागी भएका छन्। कार्यक्रममा शेखर, उपसभापति धनराज गुरुङ, महामन्त्री गगन थापा, सहमहामन्त्री बद्री पाण्डे, डा. मीनेन्द्र रिजाललगायत नेता सहभागी छन्। 

आसन्न प्रतिनिधिसभा तथा प्रदेशसभा निर्वाचनको समानुपातिक सूची एक पक्षीय रूपमा निर्वाचन आयोगमा पेस गरेको भन्दै कांग्रेसको कोइराला पक्ष आन्दोलित छ।