नेविसंघद्वारा शंकरदेव बीआइम निर्देशकमाथि हातपात

काठमाडौं- आफ्ना मान्छेलाई भर्ना गराउन नमानेको भन्दै सत्तारुढ नेपाली कांग्रेस निकट नेविसंघ कार्यकर्ताले कार्यकक्षमै पसेर प्राद्यापकमाथि हातपात गरेका छन्। 

प्रवेश परीक्षामा फेल भएका विद्यार्थीलाई भर्ना लिन दिएको दबाब नमान्दा शंकरदेव क्याम्पसको ब्याचलर अफ इन्फरमेसन म्यानेजमेन्ट (बीआइम) का निर्देशक रवीन्द्र भट्टराईलाई नेविसंघ कार्यकर्ताले कार्यकक्षमै पसेर हातपात र दुर्व्यवहार गरेका हुन्। 

क्याम्पसकै एक कर्मचारीका अनुसार नेविसंघ नेता नेता विवेक लामा घिसिङले भट्टराईमाथि हातपात र दुर्व्यवहार गरेको सीसीटिभी फुटेजमा देखिएको छ। जसमा क्याम्पसका अन्य कर्मचारीले उनलाई बचाउने प्रयत्न गरेको देखिएको उनले बताए। फुटेजमा घिसिङले पटक-पटक झम्टिन खोजेको देखिने बताइएको छ।

बीआइएमको लागि शंकरदेव क्याम्पसमा ६८ वटा कोटा छ। सोही कोटामा आफ्ना मान्छे छिराउन घिसिङले पटक-पटक दबाब दिइरहेको र नमान्दा भट्टराईमाथि हातपात भएको ती कर्मचारीको आरोप छ।