प्रहरी भन्दै ललितपुरमा एक व्यक्तिद्वारा लुटपाट

महालक्ष्मी नगरपालिका-८ लुभुको चसी टोलमा रहेको विष्णुकुमारी गोलेको घरमा लुटपाट भएको प्रहरीले जनाएको छ।

नेपाल समय | बिहीबार, असोज १३, २०७९

नेपाल समय

बिहीबार, असोज १३, २०७९

प्रहरी भन्दै ललितपुरमा एक व्यक्तिद्वारा लुटपाट

काठमाडौं- बुधबार राति ललितपुरमा लुटपाट भएको छ। महालक्ष्मी नगरपालिका-८ लुभुको चसी टोलमा रहेको विष्णुकुमारी गोलेको घरमा लुटपाट भएको प्रहरीले जनाएको छ।

आफूहरू प्रहरी भएको र सुरक्षा जाँचका लागि आएको भन्दै घरभित्र प्रवेश गरेको तीन/चार जनाको समूहले लुटपाट गरेको प्रहरीले जनाएको छ। लुटेरा समूहले पाँच तोला सुन र ७० हजार रुपैयाँ नगद लुटेको छ।

लुटपाटमा संलग्न भएकाहरूको खोजी भइरहेको प्रहरीले जनाएको छ। चाडपर्व नजिकिएसँगै यस्ता आपराधिक घटना बढ्ने भन्दै प्रहरीले सचेत रहन आग्रह गरेको छ।

प्रकाशित: Sep 29, 2022| 08:26 बिहीबार, असोज १३, २०७९