खेलकुद मन्त्री अथकले दिए राष्ट्रिय फुटबल टिमलाई बधाई

काठमाडौं- युवा तथा खेलकुद मन्त्री महेश्वर गहतराज (अथक)ले नेपाली राष्ट्रिय फुटबल टिमलाई बधाई दिएका छन्। मंगलबार भएको अन्तराष्ट्रिय मैत्रिपूर्ण खेलमा बंगलादेशविरुद्ध जित निकाल्न सफल राष्ट्रिय टिमका खेलाडीलाई मन्त्री अथकले बधाई दिएका हुन्। 

सामाजिक संजालमा खेलाडीसँगको तस्बिर शेयर गर्दै मन्त्री अथकले नेपाली राष्ट्रिय टिमलाई बधाई दिएका छन्।

मंगलबार बेलुका नेपाल र बंगलादेशबीचको खेल हेर्न दशरथ रंगशाला पुगेका मन्त्री अथकले खेल सकिएलगत्तै मैदानमै पुगेर खेलाडीलाई बधाई दिएका थिए। बिजयी सेलिब्रेशन गरीरहेका खेलाडीलाई साथ दिन मैदानमै उत्रिएका मन्त्री अथकले राष्ट्रिय टिमका कप्तान किरण चेम्जोङ लगातएका खेलाडीसँग केही समय भलाकुसारी गरेका थिए।

प्रतियोगिता अवधिभर रंगशालामै बसेर मन्त्री अथकले खेलाडीहरुको हौसला समेत बढाएका थिए। मैत्रिपूर्ण खेलमा नेपालले बंगलादेशलाई ३-१ गोलअन्तरले पराजित गरेको थियो।