कांग्रेसको चुनाव प्रचार-प्रसार समितिको संयोजकमा डा. महत मनोनित

नेपाली कांग्रेसको चुनाव प्रचार-प्रसार समितिको संयोजकमा प्रवक्ता डा. प्रकाशशरण महतलाई मनोनित गरिएको छ।

नेपाल समय | मंगलबार, असोज ११, २०७९

नेपाल समय

मंगलबार, असोज ११, २०७९

कांग्रेसको चुनाव प्रचार-प्रसार समितिको संयोजकमा डा. महत मनोनित

फाइल तस्बिर।

काठमाडौं- नेपाली कांग्रेसको चुनाव प्रचार-प्रसार समितिको संयोजकमा प्रवक्ता डा. प्रकाशशरण महतलाई मनोनित गरिएको छ।

नेपाली कांग्रेसका सभापति शेरबहादुर देउवाले पार्टीको विधान बमोजिक केन्द्रीय सदस्यसमेत रहेका प्रवक्ता डा. प्रकाशशरण महतलाई प्रतिनिधि सभा सदस्य र प्रदेश सभा सदस्य निर्वाचन-२०७९, केन्द्रीय प्रचार-प्रचार समितिको संयोजकमा मनोनय गरेको मुख्य सचिव कृष्णप्रसाद पौडेलले जानकारी दिएका छन्।

महत यसअघि पार्टीको महाधिवेशनमा महामन्त्री पदमा पराजित भएका थिए। उनलाई पछि सभापति देउवाले केन्द्रीय सदस्यसँगै प्रवक्तामा मनोनित गरेका हुन्।

कांग्रेस सभापति देउवाले यसअघि पार्टीको चुनावी घोषणापत्र तयारी समितिको संयोजकमा महामन्त्री विश्‍वप्रकाश शर्मालाई संयोजक बनाएका छन्।

प्रतिनिधि सभा र प्रदेश सभा निर्वाचन यही मंसिर ४ गते देशभर एकै चरणमा हुने भएको छ।