अञ्जनको ह्याट्रिकमा बंगलादेशविरुद्ध नेपाल ३-१ ले विजयी

काठमाडौं- बंगलादेशविरुद्ध नेपाल ३-१ गोलले विजयी भएको छ। खेल चलिरहँदा २० मिनेटको फरकमा नेपालका अञ्जन विष्टले ह्याट्रिक गरेका थिए। 

साँझ साढे ५ बजेदेखि सुरु भएको खेलमा १७ औँ मिनेटमा नेपालका अञ्जन विष्टले पहिलो गोल गरेका थिए। त्यसको १० मिनेटपछि नै उनले थप एक गोल थप्दै दुई गोल पुर्‍याएका थिए। त्यसको १० मिनेटमा पुन: उनले तेस्रो गोल गरेका हुन्। योसँगै विष्टले दसौँ अन्तर्राष्ट्रिय गोल पुर्‍याउन सफल भएका छन्।

बंगलादेशले ५५ औँ मिनेटमा गोल गरेको थियो। बंगलादेशका सजाद हुसेनले गोल गरेका थिए। नेपालले बंगलादेशविरुद्ध २४औँ खेल खेलिरहेको छ। यो मैत्रीपूर्ण खेल हो। 

यसअघि नवयुग श्रेष्ठले माल्दिभ्सविरुद्ध २०१६ को बंगबन्धु कपमा र भरत खवासले पूर्वी टिमोरसँग ह्यट्रिक गरेका थिए।