२० मिनेटको फरकमा अञ्जनले गरे ह्याट्रिक

काठमाडौं- बंगलादेशविरुद्ध नेपालले तीन गोल गरेको छ। २० मिनेटको फरकमा नेपालका अञ्जन विष्टले ह्याट्रिक गरेका हुन्। 

साँझ साढे ५ बजेदेखि सुरु भएको खेलमा १७ औँ मिनेटमा नेपालका अञ्जन विष्टले पहिलो गोल गरेका थिए। त्यसको १० मिनेटपछि नै उनले थप एक गोल थप्दै दुई गोल पुर्‍याएका थिए। त्यसको १० मिनेटमा पुन: उनले तेस्रो गोल गरेका हुन्। जवाफमा बंगलादेशले भने गोल गर्न सकेको छैन। 

यो विष्टको दसौँ अन्तर्राष्ट्रिय गोल हो। नेपालले बंगलादेशविरुद्ध २४औँ खेल खेलिरहेको छ। यो मैत्रीपूर्ण खेल हो। 

यसअघि नवयुग श्रेष्ठले माल्दिभ्सविरुद्ध २०१६ को बंगबन्धु कपमा र भरत खवासले पूर्वी टिमोरसँग ह्यट्रिक गरेका थिए।