विराटनगर- मोरङको लेटाङमा शारीरिक रूपमा अपांगता भएकी १९ वर्षीया एक युवती बलात्कृत भएकी छन्।
लेटाङ नगरपालिका–९ की युवती बलात्कृत भएको मोरङ प्रहरीका प्रवक्ता डीएसपी दीपक श्रेष्ठले जानकारी दिए। बलात्कार आरोपमा लेटाङ–३ का ५६ वर्षीय शरणबहादुर राईलाई प्रहरीले पक्राउ गरेको छ।
आफ्नै खेतमा रहेको टहरोमा लगेर गत शनिबार राति युवतीलाई बलात्कार गरेको प्रहरीको प्रारम्भिक अनुसन्धानबाट खुलेको छ। हिँडडुल गर्न नसक्ने अवस्थाकी युवतीलाई बोकेर टहरोमा पुर्याइ राईले बलात्कार गरेको प्रहरीले जनाएको छ।