काठमाडौं– दशरथ रंगशालामा भोलि मंगलबार हुने नेपाल र बांग्लादेशको मैत्रीपूर्ण खेलका लागि नेपाली टिमका मुख्य गोलकिपर किरण चेम्जोङ नेपाल आइपुगेका छन्। व्यावसायिक फुटबल खेल्ने क्रममा उनी भारतमा रहेका थिए।
नेपाल आएसँगै किरणले नेपाली राष्ट्रिय टिमको कप्तानी पनि गर्ने सोमबार एन्फा कम्प्लेक्समा आयोजित प्रिम्याच कन्फ्रेन्समा नेपाली टिमका कार्यवाहक प्रशिक्षक प्रदीप हुमागाईंले जनाए।
मंगलबार हुने खेलका एन्फाले दर्शकका लागि टिकट मूल्य तोकिसकेको छ। समान्य प्याराफिटतर्फ ५००, भिआइपितर्फ एक हजार र पाँच हजार रुपैयाँ तोकिएको छ।
नेपाली टिमः
गोलकिपर- किरण चेम्जोङ (कप्तान), विशाल श्रेष्ठ, दीप कार्की, विकेश कुथु
डिफेन्डर- रोहित चन्द, अनन्त तामाङ, विकास तामाङ, विकास खवास, दिनेश राजवंशी, सुमन अर्याल, रेजिन धिमाल
मिडफिल्डर- सुदिप गुरुङ, तेज तामाङ, सेसेहाङ आङदम्बे, विशाल राई, सुजल श्रेष्ठ, सुरजज्यु ठकुरी, एरिक विष्ट
फरवार्ड- विमल घर्ती मगर, अञ्जन विष्ट, रितिक खड्का, मनिष डाँगी र आशिष चौधरी