पोखरा- कास्कीको पोखरामा जिल्ला तेक्वान्दो संघको प्रशिक्षण भवन शिलान्यास भएको छ। राष्ट्रिय खेलकुद परिषदका सदस्य सचिव टंकलाल घिसिङले शनिबार बिहान भवनको शिलान्यास गरेका हुन्।
अहिले पोखरामा तेस्रो संस्करणको माउन्ट एभरेस्ट तेक्वान्दो च्याम्पियनसिप चलिरहेको छ। सोही अवसरमा भवनको शिलान्यास भएको हो।
संघको भवन नहुँदा प्रशिक्षण र अभ्यासका लागि समस्या हुने गरेको थियो। भवन निर्माणपछि खेलको गुणस्तर सुधारमा योगदान गर्ने विश्वास लिइएको छ।