एमालेसँग चुनावी तालमेल गर्न लोसपाले बनायो समिति

काठमाडौं– नेकपा एमालेसँग चुनावी तालमेल गर्न लोकतान्त्रिक समाजवादी पार्टी (लोसपा)ले समिति बनाएको छ।

राजेन्द्र महतोको नेतृत्वमा बनेको समितिमा शरतसिंह भण्डारी, अनिलकुमार झा, सर्वेन्द्रनाथ शुक्ल, लक्ष्मणलाल कर्ण र जितेन्द्र सोनल रहेका छन्।

समितिले आगामी प्रदेशसभा र प्रतिनिधिसभा निर्वाचनको प्रत्यक्षतर्फ एमालेलगायतका विचार मिल्ने दलहरूसँग सहकार्य गर्न वार्ता गर्ने अध्यक्ष महन्थ ठाकुरले बताए।