राष्ट्रपतिविरुद्ध सत्ता निकट विद्यार्थीको प्रदर्शन

राष्ट्रपति विद्यादेवी भण्डारीले नागरिकता विधेयक प्रमाणीकरण नगरेको भन्दै सत्तारूढ दलनिकट विद्यार्थी संगठनहरूले प्रदर्शन गरेका छन्।

नेपाल समय | बिहीबार, असोज ६, २०७९

नेपाल समय

बिहीबार, असोज ६, २०७९

राष्ट्रपतिविरुद्ध सत्ता निकट विद्यार्थीको प्रदर्शन

काठमाडौं- राष्ट्रपति विद्यादेवी भण्डारीले नागरिकता विधेयक प्रमाणीकरण नगरेको भन्दै सत्तारूढ दलनिकट विद्यार्थी संगठनहरूले प्रदर्शन गरेका छन्।

संसदको दुवै सदनबाट पारित भई प्रमाणीकरणका लागि पुगेको नागरिकता विधेयक गत मंगरबार राष्ट्रपतिले प्रमाणीकरण गर्न अस्वीकार गरेको भन्दै विद्यार्थी नेता आन्दोलित बनेका छन्। नेविसंघका नेता विष्णु बडैलाले राष्ट्रपतिको असंवैधानिक कदमविरुद्ध आफूहरू सडकमा आउनु परेको बताए।

राष्ट्रपतिले संविधानको व्यवस्थाअनुसार नागरिकता विधेयक पारित गर्नुपर्ने भए पनि गैरसंवैधानिक कदम चालेको उनको आरोप छ।

बिहीबार बिहान नेपाली कांग्रेसनिकट नेविसंघ, नेकपा माओवादी केन्द्रनिकट अखिल क्रान्तिकारी, नेकपा एकीकृत समाजवादीनिकट अनेरास्ववियुलगायतले संयुक्त रूपमा माइतीघर मण्डलमा विरोध प्रदर्शन गरेका छन्।

प्रकाशित: Sep 22, 2022| 11:27 बिहीबार, असोज ६, २०७९