यू-१५ महिला टिमबाट १० जना घटाइए

काठमाडौं- यू–१५ राष्ट्रिय महिला टोलीको प्रारम्भिक टोलीबाट १० खेलाडी घटाइएको अखिल नेपाल फुटबल संघ (एन्फा) ले जानकारी दिएको छ।

मुख्य प्रशिक्षक भगवती राना मगरले अहिले एन्फा कम्प्लेक्समा प्रशिक्षण गरिरहेका ४० जनामध्ये १० खेलाडीलाई छाडेका हुन्।

टोलीले नोभेम्बर १ देखि १२ सम्म बंगलादेशमा आयोजना हुने साफ यू–१५ महिला च्याम्पियनसिपमा भाग लिनेछ। यो साफका लागि नेपालले खुल्ला छनोटबाट खेलाडीलाई बन्द प्रशिक्षणमा बोलाएका थियो।

प्रारम्भिक टोली

गोलकिपरः राधिका ओली, सुजाता तामाङ, सानिमाया स्याङ्ताङ, रुपा धिमाल।

डिफेन्डरः दीपा मगर, सान्जी थिङ, अञ्जना पुन मगर, विपन स्नेही, रेणु लिम्बु, अनिशा विक, अमिता भुल, प्रेरणा डोल्मा लामा, सीता रोकाया।

मिडफिल्डरः रेविका नेपाली, सिवांगी स्नेही, मनिषा सेन, सुशीला केसी, सिमरन राई, दिलमाया घिसिङ, यशोधा बोहरा, पुनम चेम्जोङ, निर्मला आचार्य, सविता मण्डल, भूमिका बुढाथोकी, भावना परियार।

फरवार्डः समीक्षा मगर, दीपा रोकाया, बार्सा ओली, सेनु परियार, सुक्रिया मिया।