माओवादी पदाधिकारी बैठक स्थगित, प्रचण्ड सोलुखुम्बु प्रस्थान

नेकपा माओवादी केन्द्रका अध्यक्ष पुष्पकमल दाहाल प्रचण्ड सोलुखुम्बु प्रस्थान गरेका छन्।

नेपाल समय | सोमबार, असोज ३, २०७९

नेपाल समय

सोमबार, असोज ३, २०७९

माओवादी पदाधिकारी बैठक स्थगित, प्रचण्ड सोलुखुम्बु प्रस्थान

काठमाडौं- नेकपा माओवादी केन्द्रका अध्यक्ष पुष्पकमल दाहाल प्रचण्ड सोलुखुम्बु प्रस्थान गरेका छन्।

समानुपातिक पद्धतितर्फका उम्मेदवारको बन्दसूची टुंग्याउन सोमबार बिहान बोलाइएको पदाधिकारी बैठक स्थगन गरेर प्रचण्ड केही नेताहरूसहित सोलुखुम्बु गएका हुन्।

दिउँसो २ बजेसम्मका लागि बैठक स्थगित गरिएको नेकपा माओवादी केन्द्रीय कार्यालयले जनाएको छ। प्रचण्डका साथमा अर्थमन्त्री एवं उपमहासचिव जनार्दन शर्मा, सचिव राम कार्की, प्रदेश १ का अध्यक्ष हर्कबहादुर नेम्वाङलगायत नेताहरू छन्।

प्रचण्ड सोलुखुम्बुको थुलुङ दुधकोसी गाउँपालिकाको भवन उद्घाटन, ५० शय्याको सामुदायिक अस्पताल र इन्जिनियरिङ कलेजको उद्घाटन गर्ने कार्यक्रम छ।

प्रकाशित: Sep 19, 2022| 12:56 सोमबार, असोज ३, २०७९