काठमाडौं- स्पेनिस शीर्ष डिभिजनको फुटबल ला लिगामा शनिबार राति बार्सिलोनाले जित निकालेको छ। बार्सिलोनाको क्याम्प नोउ मैदानमा भएको खेलमा उसले पाहुना टिम एल्चेविरुद्ध ३-० को जित निकालेको हो।
बार्सिलोनालाई जित दिलाउनका लागि रोबर्ट लेवान्डोस्कीले दुई गोल गरे भने मेम्फिस डिपायले पनि एक गोल गरे।
लेवान्डोस्कीले ३४औँ मिनेटमा गोल गर्दै बार्सिलोनालाई अग्रता दिलाएका थिए। यो जितसँगै बार्सिलोनाले छ खेलबाट १६ अंक जोडेको छ। ला लिगाकै अर्को खेलमा भ्यालेन्सियाले सेल्टा भिगोलाई ३-० ले हराएको छ।