राष्ट्रिय खेलकुदका १६ खेल पोखरा रंगशालामा हुने

काठमाडौं– असोज २८ गतेबाट गण्डकी प्रदेशमा सुरु हुने नवौं संस्करणको राष्ट्रिय खेलकुद अन्तर्गतका १६ खेल पोखरा रंगशालामा हुने भएको छ। राष्ट्रिय खेलकुद परिषद् (राखेप) को हिजो बुधबार बसेको १२४ औं बैठकले खेल तालिका र मिति तय गर्दै १६ खेल पोखरामा गर्ने जानकारी दिएको हो।

त्यस्तै, एक खेल भने गोरखामा हुने भएको छ। नवौं राष्ट्रिय खेलकुदसँग नेपाल टी २० लिगको मिति जुधेपछि क्रिकेटको प्रतियोगिता भने काठमाडौंमा भइरहेको छ।